2014 жылы «Төле би» атындағы жалпы орта мектебінің белсенді оқушысы ретінде мектепті үздік аттестатпен аяқтаған. 2014-2018 жылдары Астана қаласындағы Л.Н. Гумилев атындағы Еуразия ұлттық университетінің «Қазақ тілі мен әдебиеті» мамандығының мемлекеттік білім гранты иегері, 2018-2020 жылдары осы мамандық бойынша магистратурасын үздік дипломмен аяқтаған. Магистрлік кезеңде академиялық ұтқырлық бағдарламасы бойынша Түркия Республикасы, Денизлі қаласындағы Памуккале университетінде «Түрік тілі мен әдебиеті» кафедрасында білім алған. Жас маман ретінде Астана қаласындағы «Пифагор», «AIPLUS» оқу орталықтарында қазақ тілінің мұғалімі қызметінен бастаған. Кейіннен 2020ж. Сауран ауданында «Төле би» атындағы жалпы орта мектебіне «Қазақ тілі мен әдебиеті» пәнінің мұғалімі ретінде жұмыс шақырылған. 2020- 2022жылдары Түркістан қаласындағы Қожа Ахмет Ясауи атындағы Халықаралық қазақ-түрік университетінің Оқу бөлімінде әдіскер қызметін атқарған. 2022-2025 ж. аралығында Әл-Фараби атындағы Қазақ ұлттық университетінің «Қазақ филологиясы» мамандығының докторантурасын тәмамдады. Ғылым комитеті ұсынған журналдарда бірнеше ғылыми мақалалар жариялап, көптеген халықаралық ғылыми конференцияларға белсене қатысты. Ағылшын (IELTS B2) және түрік тілдерін (TYS B2) меңгерген. 2023 ж. Алматы қаласындағы № 94 мектеп-гимназиясына қазақ тілі мен әдебиеті мұғалімі қызметіне орналасқан. 2024 ж. Түркия Республикасы Кастамону қаласында академиялық стажировкадан сәтті өтіп, ғылыми тәжірибе жинақтап келді. 2025 жылдан бастап Әл-Фараби атындағы Қазақ ұлттық университеті, Шетелдіктердің тілдік және жалпы білім беру дайындығы кафедрасында кафедра меңгерушісінің ғылыми-инновациялық және халықаралық байланыстар жөніндегі орынбасары және оқытушы ретінде жұмысқа орналасып, қызмет атқаруда. Жұмыс барысында түрлі ғылыми іс-шараларға, семинарларға белсене қатысып, ғылыми әлеуетін арттыруда.